ചെറുതോണി ഡാം തുറന്ന് ജലം പെരിയാറിലേക്ക് ഒഴുക്കിവിടുമ്പോള്‍ പുഴയില്‍ മീന്‍പിടിക്കാന്‍ ഇറങ്ങിയാൽ അറസ്‌റ്റ് വീഴും. പുഴയില്‍ ഇറങ്ങാനോ പാറക്കൂട്ടങ്ങളിലോ മറ്റോ കൂട്ടം കൂടി നില്‍ക്കാനോ പാടില്ലെന്ന് നേരത്തേ പുറപ്പെടുവിച്ച മുന്നറിയിപ്പില്‍ പറയുന്നുണ്ട്. ആളുകളുടെ സുരക്ഷ മുന്നിൽക്കണ്ടുണ്ടാണ് ഇത്തരത്തിലുള്ള നടപടികളെടുക്കുന്നത്.
സംസ്ഥാനത്ത് മഴയ്‌ക്ക് ശമനമില്ല, ഇടുക്കി അണക്കെട്ടിലെ ജലനിരപ്പ് വീണ്ടും ഉയരുന്നു. നീരൊഴുക്കാണ് ഡാമിൽ വെള്ളം നിറയാനുള്ള പ്രധാന കാരണം. ഡാം നിലനില്‍ക്കുന്ന പ്രദേശത്തും ശക്തമായ മഴ തന്നെയാണുള്ളത്. ജലനിരപ്പ് 2395 അടി കവിഞ്ഞതിനെ തുടര്‍ന്ന് ഇന്നലെ രാത്രി പ്രദേശത്ത് ഓറഞ്ച് അലര്‍ട്ട് പ്രഖ്യാപിച്ചിരുന്നു.
