തിരുവനന്തപുരം: മാധ്യമ പ്രവര്‍ത്തകന്‍ കെഎം ബഷീര്‍ കാറിടിച്ച്‌ മരിച്ച കേസില്‍ സസ്‌പെന്‍ഷനിലായിരുന്ന ഐഎ‌‌എസ് ഉദ്യോഗസ്ഥൻ ശ്രീറാം വെങ്കിട്ടരാമന് സർവീസിൽ തിരിച്ചെത്തി. ആരോഗ്യവകുപ്പിലാണ് പുതിയ നിയമനം. കൊറോണ പ്രതിരോധ പ്രവര്‍ത്തനങ്ങള്‍ക്കുള്ള ചുമതലയാണ് ശ്രീറാം വെങ്കിട്ടരാമന് നല്‍കിയിരിക്കുന്നത്. ഉത്തരവ് ഉടൻ പുറത്തിറങ്ങും
കഴിഞ്ഞ വര്‍ഷം ആഗസ്റ്റ് മൂന്നിന് പുലര്‍ച്ചെയാണ് ശ്രീറാം വെങ്കിട്ടരാമന് ഓടിച്ച കാറിടിച്ച്‌ കെഎം ബഷീര്‍ കൊല്ലപ്പെട്ടത്. മദ്യപിച്ച്‌ അമിത വേഗത്തില്‍ വാഹനം ഓടിച്ചതാണ് അപകട കാരണം. കേസില്‍ ശ്രീറാം വെങ്കിട്ടരാമന് ഒന്നാം പ്രതിയും, സുഹൃത്ത് വഫ ഫിറോസ് രണ്ടാം പ്രതിയുമാണ്.
