കണ്ണൂർ മയ്യിൽ വോട്ടിങ് യന്ത്രത്തിനുള്ളിൽ പാമ്പ്; വോട്ടെടുപ്പ് നിർത്തിവച്ചു

കണ്ണൂരിലെ മയ്യിൽ കണ്ടങ്കൈ എൽപി സ്ക്കൂളിലെ 145 നമ്പർ ബൂത്തിൽ വി വി പാറ്റ് മെഷീനുള്ളിൽ പാമ്പിനെ കണ്ടെത്തി. മോക്ക് പോൾ സമയത്താണ് മെഷീനുള്ളിൽ പാമ്പിനെ കണ്ടത്. തുടർന്ന് പാമ്പിനെ നീക്കം ചെയ്യാനുള്ള ശ്രമത്തിലാണ് അധികൃതർ. അതേസമയം വോട്ടിങ് മെഷീനെതിരെ വ്യാപക പരാതി ഉയരുകയാണ്.

എറണാകുളം മറൈൻ ഡ്രൈവ് സെന്റ് മേരീസ് സ്ക്കൂൾ ബൂത്തിൽ യന്ത്രത്തകരാറിനെ തുടർന്ന് ജനങ്ങൾ വോട്ട് ചെയ്യാതെ മടങ്ങുകയാണ്. പകരം യന്ത്രമെത്തിച്ചെങ്കിലും അതും പ്രവർത്തനരഹിതമാണ്. ഒരു മണിക്കൂറായി കാത്തുനിന്നവരാണ് മടങ്ങുന്നത്.