സാധനം വാങ്ങാനെത്തിയെ ആറാം ക്ലാസില്‍ പഠിക്കുന്ന പെണ്‍കുട്ടിയെ പീഡിപ്പിച്ച കേസുമായി ബന്ധപ്പെട്ട് കടയുടമയായ 57 കാരനെ പൊലീസ് അറസ്റ്റ് ചെയ്തു. പയ്യന്നൂര്‍ എട്ടിക്കുളം സ്കൂളിനടുത്ത് ഡ്രീം ലാന്‍റ് എന്ന കട നടത്തുന്ന അബ്ദു റഹിമാനാണ്‌ പൊലീസ് പിടിയിലായത്.
കുട്ടിയെ ലൈംഗികമായി പീഡിപ്പിച്ചു എന്ന് കുട്ടിയുടെ മാതാപിതാക്കളുടെ പരാതി ചൈല്‍ഡ് ലൈനില്‍ ലഭിക്കുകയും ഇത് പൊലീസില്‍ നല്‍കുകയുമാണുണ്ടായത്. പയ്യന്നൂര്‍ എസ്.ഐ വി.കെ.ഷിജുവും സംഘവുമാണ്‌ പ്രതിയെ പിടികൂടിയത്.
