അതേസമയം തെൻ്റെ മല്ലപ്പള്ളിയിലെ ഒന്നര മണിക്കൂറോളം ദൈർഘ്യമുള്ള പ്രസംഗത്തിലെ അടർത്തിയെടുത്ത ഭാഗങ്ങൾ മാത്രമാണ് മാധ്യമങ്ങൾ സംപ്രേക്ഷണം ചെയ്തതെന്ന് മന്ത്രി കുറ്റപ്പെടുത്തി. ധാർമികതയെ മുൻനിർത്തിയാണ് രാജിയെന്നും സ്വമേധയാ രാജിക്കത്ത് മുഖ്യമന്ത്രിക്ക് കൈമാറുകയായിരുന്നുവെന്നും സജി ചെറിയാൻ പറഞ്ഞു. അതേസമയം എംഎൽഎ സ്ഥാനം രാജിവെയ്ക്കുമോ എന്ന മാധ്യമപ്രവർത്തകരുടെ ചോദ്യത്തിന് അദ്ദേഹം മറുപടി നൽകിയില്ല.
