പത്തനംതിട്ട: ഇക്കൊല്ലത്തെ മകര വിളക്ക് മഹോത്സവത്തിനായി ശബരിമല ശാസ്താ ക്ഷേത്ര സന്നിധി ഇന്ന് വൈകിട്ട് അഞ്ചു മണിക്ക് മേല്‍ശാന്തി വി.കെ.ജയരാജ് പോറ്റി തുറക്കും. ഇന്ന് പ്രത്യേക പൂജകളൊന്നും ഉണ്ടാകില്ല. അതിനാല്‍ അയ്യപ്പ ഭക്തര്‍ക്ക് പ്രവേശനവും ഉണ്ടാകില്ല. മകരവിളക്ക് മഹോത്സവ കാലത്തെ നെയ്യഭിഷേകം, മറ്റു പൂജകള്‍ എന്നിവ വ്യാഴാഴ്ച രാവിലെ മുതല്‍ തുടങ്ങും. രാവിലെ മുതല്‍ തന്നെ നിലയ്ക്കലില്‍ നിന്ന് തീര്‍ത്ഥാടകരെ കടത്തി വിടും.
