മന്ത്രി മണി രാജിവെയ്ക്കണമെന്ന് ആവശ്യപ്പെട്ടുകൊണ്ടുള്ള യുഡിഎഫിന്റെ പ്രതിഷേധ സംഗമം ഇന്ന് മൂന്നാറില്‍ നടക്കും. പ്രതിപക്ഷ നേതാവ് രമേശ് ചെന്നിത്തല, ഡോ. എംകെ മുനീര്‍ എന്നിവര്‍ സംഗമത്തില്‍ സംബന്ധിക്കുമെന്നാണ് റിപ്പോർട്ടുകൾ.
പെമ്പിളൈ ഒരുമൈ നടത്തുന്ന സമരം യുഡിഎഫ് ഏറ്റെടുത്തുവെന്ന് ഉമ്മൻചാണ്ടി പറഞ്ഞിരുന്നു. മൂന്നാറിലെ പ്രാദേശിക കോണ്‍ഗ്രസ് നേതൃത്വത്തിന്റെ എതിര്‍പ്പ് മറികടന്നായിരുന്നു ഉമ്മന്‍ചാണ്ടി പൊമ്പിളൈ ഒരുമൈ സമരപ്പന്തലിലെത്തിയത്. പ്രാദേശിക കോണ്‍ഗ്രസ് നേതൃത്വത്തിന്റെ എതിര്‍പ്പ് നിലനിൽക്കവേ പ്രതിപക്ഷ നേതാവ് മൂന്നാർ സമരപ്പന്തലിൽ സന്ദർശനം നടത്തുമോ എന്ന കാര്യത്തിലും ഉറപ്പില്ല.
