കൊല്ലം : റയിൽവേയിൽ ജോലി വാഗ്ദാനം ചെയ്തു 15 ലക്ഷം തട്ടിയെടുത്തു എന്ന പരാതിയിൽ തിരുവനന്തപുരം മലയിൽകീഴ് വിവേകാനന്ദ നഗർ "അനിഴം" ൽ ഗീതാറാണി എന്ന 65 കാരിപുനലൂർ പോലീസിൻ്റെ പിടിയിലായി. പുനലൂർ വിളക്കുവെട്ടം സ്വദേശി അനുലാലിൻ്റെ പരാതിയിലാണ് ഗീതാറാണിയെ പോലീസ് അറസ്റ്റ് ചെയ്തത്.
ജോലി വാഗ്ദാനം ചെയ്ത് പണം വാങ്ങിയ ശേഷം റയിൽവേയുടെ വ്യാജ നിയമന ഉത്തരവു നൽകും. ഈ ഉത്തരവുമായി ജോലിക്കു ജോയിൻ ചെയ്യാൻ പോകുമ്പോഴാണ് തട്ടിപ്പ് മനസിലാക്കുന്നത്. അറസ്റ്റിലായപ്പോൾ സമാനമായ മറ്റൊരു കേസിൽ ഇവർ ജയിലിലായിരുന്നു.തട്ടിപ്പു സംഘത്തിലെ അംഗമാണിവർ എന്നാണ് പോലീസ് നൽകിയ സൂചന .
കഴിഞ്ഞ മാസം സമാനമായ മറ്റൊരു കേസിൽ തലശേരി പോലീസിൻ്റെ പിടിയിലായി ഇവർ ജയിലിലായിരുന്നു. പുനലൂർ പോലീസ് ഇൻസ്പെക്ടർ ടി.രാജേഷ് കുമാറിൻ്റെ നേതൃത്വത്തിലുള്ള പോലീസ് സംഘമാണ് ഇപ്പോൾ ഗീതാറാണിയെ അറസ്റ്റ് ചെയ്തത്. വ്യാപകമായ അന്വേഷണമാണ് സംസ്ഥാനമൊട്ടുക്ക് ഇവരുടെ സംഘത്തിനതിരെ പോലീസ് നടത്തുന്നത്.