എന്നാല്‍ പ്രധാനമന്ത്രിയുടെ പ്രസംഗം ഒന്നരമണിക്കൂറായി നീണ്ടപ്പോള്‍ ഹിന്ദിയിലെ മുദ്രാവാക്യങ്ങള്‍ മതിയായില്ല. ഇതോടെയാണ് മലയാളത്തിൽ മുദ്രാവാക്യങ്ങളുമായി സമ്പത്ത് നടുത്തളത്തിലിറങ്ങിയത്. ‘എവിടെപ്പോയി എവിടെപ്പോയി ആന്ധ്രാ പാക്കേജ് എവിടെപ്പോയി… എവിടെപ്പോയി എവിടെപ്പോയി വാഗ്ദാനങ്ങള്‍ എവിടെപ്പോയി’ എന്നിങ്ങനെയായിരുന്നു മുദ്രാവാക്യം. ഇടത് എം.പിമാരായ പി.കരുണാകരന്‍, എം.ബി രാജേഷ്, പി.കെ ശ്രീമതി, പശ്ചിമ ബംഗാളില്‍ നിന്നുള്ള മുഹമ്മദ് സലീം എന്നിവരും മുദ്രാവാക്യം ഏറ്റുവിളിച്ചു.
തുടര്‍ന്നാണ് സോണിയ ഗാന്ധിയും രാഹുല്‍ ഗാന്ധിയും മലയാളത്തില്‍ മുദ്രാവാക്യം ഏറ്റുവിളിച്ചത്. ആദ്യം ഒന്നും പിടികിട്ടിയില്ലെങ്കിലും പിന്നീട് അര്‍ത്ഥം ചോദിച്ച് മനസിലാക്കി സോണിയ ഗാന്ധിയും രാഹുല്‍ ഗാന്ധിയും മുദ്രാവാക്യം ഏറ്റുവിളിച്ചു. പിന്നാലെ കേരളത്തിലെ കോണ്‍ഗ്രസ് എം.പിമാരും ഒപ്പം ചേര്‍ന്നു. മുസ്‌ലീം ലീഗിലെ ഇ.ടി മുഹമ്മദ് ബഷീറും കേരള കോണ്‍ഗ്രസിലെ ജോസ്.കെ.മാണിയും നടുത്തളത്തിലിറങ്ങി പ്രതിഷേധിച്ചു.
