തിരുവനന്തപുരം പൂജപ്പുര സെന്ട്രല് ജയിലിലെ 59 തടവുകാര്ക്ക് കൊവിഡ് സ്ഥിരീകരിച്ചു. 99പേരെ പരിശോധനയ്ക്ക് വിധേയമാക്കിയപ്പോഴായിരുന്നു 59പേര്ക്ക് കൊവിഡ് പോസിറ്റീവ് ആയത്. ഇവരില് ആന്റിജന് പരിശോധയാണ് നടത്തിയത്. കഴിഞ്ഞ ദിവസം ജയിലിലെ ഒരു തടവുകാരന് കുഴഞ്ഞുവീണിരുന്നു. ഇയാളെ മെഡിക്കല് കോളേജില് പ്രവേശിപ്പിക്കുകയും കൊവിഡ് പരിശോധന നടത്തുകയും ചെയ്തിരുന്നു. ഇയാള്ക്ക് കൊവിഡ് പോസിറ്റീവ് വന്നതോടെയാണ് ജയിലിലെ മറ്റുള്ളവര്ക്കും പരിശോധന നടത്തിയത്.