പൊലീസ് സേനയെ ശുദ്ധീകരിക്കാന്‍ കടുത്ത നടപടികളുമായി ആഭ്യന്തര വകുപ്പ്. പൊലീസ് ആക്ട് 86 പ്രകാരം സ്വഭാവദൂഷ്യമുള്ള പൊലീസ് ഓഫീസര്‍മാര്‍ക്കെതിരായ നടപടി തുടരും. സംസ്ഥാനത്ത് ആദ്യമായാണ് പൊലീസ് ആക്ട് 86 പ്രകാരം ഒരു ഉദ്യോഗസ്ഥനെ സേനയില്‍ നിന്നു പിരിച്ചുവിടുന്നത്. ബലാംത്സംഗം അടക്കം നിരവധി കേസുകളില്‍ പ്രതിയായ ഇന്‍സ്‌പെക്ടര്‍ പി.ആര്‍.സുനുവിനെയാണ് ഡിജിപി പൊലീസ് സേനയില്‍ നിന്ന് പിരിച്ചുവിട്ടത്. ആഭ്യന്തര മന്ത്രിയായ പിണറായ വിജയന്റെ പ്രത്യേക നിര്‍ദേശത്തെ തുടര്‍ന്നാണ് പൊലീസിനെതിരായ നടപടികള്‍ തുടരുന്നത്.
