ബിജെപിയുടെ ദേശീയ അധ്യക്ഷൻ അമിത് ഷായ്ക്കെതിരെ രൂക്ഷ വിമർശനവുമായി മുഖ്യമന്ത്രി പിണറായി വിജയൻ. ബിജെപി അധ്യക്ഷന്‍ നടത്തുന്ന മത-ജാതി വിദ്വേഷധനാധിപത്യ രാഷ്ട്രീയത്തിന് കേരളത്തിൽ ഇടമില്ലെന്നും അദ്ദേഹത്തിന്‍റെ അമിതാവേശം അതിരുകടക്കുന്നുവെന്നും മുഖ്യമന്ത്രി പറഞ്ഞു. കേരളത്തിൽ ബിജെപിക്ക് നിലനിൽപ്പില്ലെന്ന് ബോധ്യപ്പെട്ടതുകൊണ്ടാണ് അമിത് ഷാ പച്ചക്കള്ളങ്ങളും പ്രകോപനപ്പെരുമഴയുമായി ഇറങ്ങിയതെന്നും പിണറായി തന്റെ ഫേസ്ബുക്കില്‍ കുറിച്ചു.
