കോഴിക്കോട് : പാരാമെഡിക്കല് കോഴ്സ് എന്ന പേരില് സ്ഥാപനം നടത്തി, പഠിച്ചിറങ്ങിയ വിദ്യാര്ത്ഥികള്ക്ക് അംഗീകാരമില്ലാത്ത സര്ട്ടിഫിക്കറ്റ് നല്കിയെന്ന പരാതിയില് സ്ഥാപന മാനേജര് പിടിയില്. കോഴിക്കോട് കുറ്റ്യാടി പോലീസ് സ്റ്റേഷനടുത്ത് പ്രവര്ത്തിക്കുന്ന ഗേറ്റ് അക്കാദമി എന്ന സ്വകാര്യ വിദ്യാഭ്യാസ സ്ഥാപനത്തിന്റെ മാനേജര് നാദാപുരം വരിക്കോളി കൂര്ക്കച്ചാലില് ലിനീഷിനെയാണ് (46) പൊലീസ് പിടികൂടിയത്.
