നേരത്തെ പി.സി ജോര്‍ജിനെ ചീഫ് വിപ്പ് സ്ഥാനത്ത് നിന്നും നീക്കാന്‍ കേരളാ കോണ്‍ഗ്രസ് എംഎല്‍എമാര്‍ യോഗം നടത്തി തീരുമാനിച്ചിരുന്നു. ഈ ആവശ്യവുമായി കെ എം മാണിയുടെ നേതൃത്വത്തില്‍ കേരള കോണ്‍ഗ്രസ് എം എല്‍ എമാര്‍ മുഖ്യമന്ത്രി ഉമ്മന്‍ ചാണ്ടിയെ കണ്ടതായും റിപ്പോര്‍ട്ടുകള്‍ പുറത്തുവന്നിരുന്നു. പി സി ജോര്‍ജിനെതിരായി കേരളാ കോണ്‍ഗ്രസില്‍ നിന്ന് നീക്കം ആരംഭിച്ചതോടെ പി സി കൂടുതല്‍ വെളിപ്പെടുത്തലുകളുമായി രംഗത്തെത്തുമെന്നാണ് രാഷ്ട്രീയ നിരീക്ഷകര്‍ കരുതുന്നത്.
