സംസ്ഥാനത്തെ 60 വയസ്സിന് മുകളില്‍ പ്രായമുള്ള 55,506 പട്ടികവര്‍ഗക്കാര്‍ക്ക് 1000 രൂപ വീതം മുഖ്യമന്ത്രിയുടെ ഓണസമ്മാനമായി നല്‍കും. ഇതിന് 5,55,06,000 രൂപ മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും അനുവദിക്കും. ഓണത്തിനു മുന്‍പ് ഈ തുക വിതരണം ചെയ്യും.
അതേസമയം സംസ്ഥാനത്ത് ഓണത്തോടു അനുബന്ധിച്ചുള്ള ക്ഷേമ പെന്‍ഷന്‍ വിതരണം ആരംഭിച്ചിട്ടുണ്ട്. സാമൂഹ്യസുരക്ഷ, ക്ഷേമനിധി പെന്‍ഷന്‍ ഗുണഭോക്താക്കള്‍ക്കു സര്‍ക്കാരിന്റെ ഓണസമ്മാനമായി രണ്ടു ഗഡു ക്ഷേമ പെന്‍ഷന്‍ ഒന്നിച്ചു ലഭിക്കും. 62 ലക്ഷത്തോളം പേര്‍ക്കാണ് ഓണത്തിനു 3200 രൂപ ലഭിക്കുക.
