മദ്യവില വര്‍ധിപ്പിക്കുന്നതിനുള്ള ഓര്‍ഡിനന്‍സ് സര്‍ക്കാര്‍ ഗവര്‍ണര്‍ക്ക് അയച്ചില്ല. കോടതിവിധി വരും വരെ കാത്തിരിക്കാനാണ് നീക്കം. ഭാഗപത്രം, ഇഷ്ടദാനം തുടങ്ങിയവയുടെ സ്റ്റാംപ് ഡ്യൂട്ടി കൂട്ടുന്നതിനുള്ള ഓര്‍ഡിന്‍സും അയച്ചില്ല. നാളെ മുതല്‍ വില വര്‍ധന നിലവില്‍ വരുമെന്നായിരുന്നു നേരത്തെ സര്‍ക്കാര്‍ അറിയിപ്പ്.
അതേസമയം, തോട്ടം, അടിസ്ഥാന ഭൂനികുതികള്‍ എന്നിവയുടെ ഓര്‍ഡിനന്‍സ് അംഗീകരിച്ചു. ഗവര്‍ണര്‍ ഈ ഓര്‍ഡിനന്‍സില്‍ ഒപ്പുവച്ചു. മദ്യവില സംബന്ധിച്ച ഓര്‍ഡിനന്‍സ് മന്ത്രിസഭ നാളെ പരിഗണിച്ചേക്കും. സിഗരറ്റിന്റെ വില വര്‍ധിപ്പിക്കുന്നതിനുള്ള ഓര്‍ഡിനന്‍സും ഗവര്‍ണര്‍ക്ക് അയച്ചിട്ടില്ല.
