എ സി മൊയ്തീനും കടകംപള്ളി സുരേന്ദ്രനും ജില്ലാ സെക്രട്ടറിമാര്‍
തൃശൂരില്‍ സിപിഎം ജില്ലാ സെക്രട്ടറിയായി എസി മൊയ്തീന്‍ തുടരും. തിരുവനന്തപുരത്ത് കടകംപള്ളി സുരേന്ദ്രന്‍ വീണ്ടും തിരഞ്ഞെടുക്കപ്പെട്ടു. ഇത് മൂന്നാം തവണയാണ് കടകംപള്ളി സുരേന്ദ്രന്‍ ജില്ലാ സെക്രട്ടറിയാവുന്നത്.
തൃശൂര്‍ ജില്ലാ കമ്മിറ്റിയില്‍ 4 പുതുമുഖങ്ങളെ ഉള്‍പ്പെടുത്തി. അച്ചടക്ക നടപടി നേരിട്ട ഡിവൈ എഫ്ഐ മുന്‍ സംസ്ഥാന സെക്രട്ടറി ടി ശശിധരനെ ജില്ല കമ്മിറ്റിയില്‍ ഉള്‍പ്പെടുത്തിയിട്ടില്ല.
തിരുവനന്തപുരത്ത് കടകംപള്ളി സുരേന്ദ്രനും വീണ്ടും തിരഞ്ഞെടുക്കപ്പെടുകയായിരുന്നു. തിരുവനന്തപുരം പുതുതായി രൂപീകരിച്ച 44 അംഗ ജില്ലാകമ്മിറ്റിയില്‍ പുതുമുഖങ്ങളായ ഒന്‍പത് പേരെ ഉള്‍പ്പെടുത്തിയിട്ടുണ്ട്.
