തലസ്ഥാന നഗരിയിലെ തിരക്കേറിയ എം.ജി റോഡിലെ പാളയം മുതല്‍ കിഴക്കേകോട്ട വരെയുള്ള പ്രദേശത്തെ അനധികൃത പാര്‍ക്കിംഗ് മൂലമുള്ള ഗതാഗത തടസം ഒഴിവാക്കാനായി കര്‍ശന നടപടി വരുന്നു. ഇതിന്‍റെ ഭാഗമായി നവംബര് ആറാം തീയതിമുതല്‍ രാവിലെ എട്ടു മുതല്‍ രാത്രി എട്ടു വരെയുള്ള സമയത്ത് വാഹനങ്ങള്‍ക്ക് പാര്‍ക്കിംഗ് ഫീസ് ചുമത്തും. ജില്ലാ കളക്ടര്‍ ബിജു പ്രഭാകര്‍ അദ്ധ്യക്ഷനായുള്ള കോര്‍പ്പറേഷന്‍ അഡ്മിനിസ്ട്രേറ്റീവ് കമ്മിറ്റി യോഗമാണ് ഈ തീരുമാനം എടുത്തത്.
