ട്രെയിന്‍ തട്ടാതിരിക്കാൻ പാലത്തിൽ നിന്ന് പുഴയിലേക്ക് ചാടിയയാൾ മരിച്ചു
ട്രെയിന്‍ തട്ടാതിരിക്കാന്‍ പുഴയിലേക്ക് ചാടിയയാള്‍ മരിച്ചു. കോട്ടയം ഏറ്റുമാനൂര്‍ സ്വദേശി സാബുവാണ് മരിച്ചത്.
ഇന്ന് ഉച്ചയ്‌ക്ക് ഒരു മണിക്ക് നീലിമംഗലം പാലത്തില്‍ വെച്ചാണ് സംഭവം. സാബുവും സുഹൃത്തുക്കളും പാലത്തില്‍ കൂടെ നടന്നു പോകുന്നതിനിടെ ട്രെയിന്‍ എത്തി. രക്ഷപ്പെടാന്‍ മറ്റ് മാര്‍ഗങ്ങളില്ലാതെ വന്നതോടെ സാബുവും കൂടെയുള്ള മൂന്ന് പേരും പാലത്തില്‍ നിന്നും പാലത്തില്‍ നിന്നും പുഴയിലേക്ക് ചാടി.
സുഹൃത്തുക്കള്‍ നീന്തി കരയ്‌ക്ക് എത്തിയെങ്കിലും സാബുവിനെ കാണാതാവുകയായിരുന്നു. വിവരമറിഞ്ഞ് ഗാന്ധി നഗര്‍ പൊലീസും ഫയര്‍ഫോഴ്‌സും എത്തി തിരച്ചില്‍ നടത്തി. 20 മിനുട്ടിന് ശേഷം സാബുവിനെ കണ്ടെത്തി ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.
