ഇപ്പോഴത്തെ ദേവസ്വം പ്രസിഡന്‍റ് എ പത്മകുമാറിനെ തോല്‍പ്പിച്ചാണ് അടൂര്‍ പ്രകാശ് കോന്നിയുടെ എം എല്‍ എ ആയത്. വെറും എണ്ണൂറിലധികം വോട്ടുകള്‍ക്ക് മാത്രമായിരുന്നു ആ വിജയം. എന്നാല്‍ അതിന് ശേഷം അടൂര്‍ പ്രകാശ് കോന്നിയുടെ സ്വന്തമായി മാറി. പരാജയം എന്നത് നിഘണ്ടുവിലില്ലാത്ത കോണ്‍ഗ്രസ് നേതാവ്. ഓരോ തവണയും ഭൂരിപക്ഷം വര്‍ദ്ധിപ്പിച്ചുകൊണ്ടുവന്നു.
ഇപ്പോള്‍ ലോക്സഭാ തെരഞ്ഞെടുപ്പില്‍ ആറ്റിങ്ങളില്‍ നിന്ന് അടൂര്‍ പ്രകാശ് ലോക്സഭയിലേക്ക് തെരഞ്ഞെടുക്കപ്പെടുമ്പോള്‍ അത് യഥാര്‍ത്ഥത്തില്‍ കോന്നിക്കാരുടെ നഷ്ടമാണ്. കാരണം, അത്രയും വലിയ വികസനപ്രവര്‍ത്തനങ്ങളാണ് അടൂര്‍ പ്രകാശ് കോന്നിയില്‍ നടത്തിയത്. കോന്നിയുടെ മുഖഛായ തന്നെ മാറ്റുന്ന രീതിയില്‍ വികസനം കൊണ്ടുവരാന്‍ പ്രകാശിന് കഴിഞ്ഞു.
