കേരളത്തില്‍ ലോക്ക്ഡൗണ്‍ നീട്ടുന്നതുമായി ബന്ധപ്പെട്ട് ഇന്നോ നാളെയോ അന്തിമ തീരുമാനം ഉണ്ടാകും. ലോക്ക്ഡൗണ്‍ നീട്ടാന്‍ തന്നെയാണ് സര്‍ക്കാര്‍ തീരുമാനം. നിലവിലെ നിയന്ത്രണങ്ങള്‍ ജൂണ്‍ 30 വരെ തുടരുകയാണ് അഭികാമ്യമെന്ന് കേന്ദ്ര ആഭ്യന്തര മന്ത്രാലയം സംസ്ഥാനങ്ങള്‍ക്ക് നിര്‍ദേശം നല്‍കിയിട്ടുമുണ്ട്. കേന്ദ്ര നിര്‍ദേശം കൂടി പരിഗണിച്ചായിരിക്കും ലോക്ക്ഡൗണ്‍ നീട്ടല്‍. കേരളത്തില്‍ നാലാം ഘട്ടമെന്ന നിലയില്‍ ജൂണ്‍ എട്ട് വരെ ലോക്ക്ഡൗണ്‍ നീട്ടാനാണ് സാധ്യത.
