ക്ലാസിനിടെ സഹപാഠിയോടു സംസാരിച്ചതിനു കുട്ടിയെ പട്ടിക്കൂട്ടിലടച്ച സംഭവത്തില്‍ കടുത്ത നിയമലംഘനമെന്ന് വിദ്യാഭ്യാസ വകുപ്പ് ഡെപ്യൂട്ടി ഡയറക്ടറുടെ റിപ്പോര്‍ട്ട്. കുട്ടികളോട് ഉണ്ടാകാന്‍ പാടില്ലാത്ത ശിക്ഷാ നടപടികളും പെരുമാറ്റവുമുണ്ടായി. കുടപ്പനക്കുന്ന് പാതിരപ്പളളി ജവഹര്‍ ഇംഗ്ലീഷ് മീഡിയം സ്കൂളിനെ സംബന്ധിച്ച രേഖകളൊന്നും വിദ്യാഭ്യാസ വകുപ്പില്‍ ലഭ്യമല്ല.
യുകെജി വിദ്യാര്‍ഥിയെ സ്കൂള്‍ അധികൃതര്‍ നാലു മണിക്കൂര്‍ പട്ടിക്കൂട്ടില്‍ പൂട്ടിയിട്ട സംഭവത്തില്‍ മാതാപിതാക്കളുടെ പരാതിയിന്മേല്‍ കുടപ്പനക്കുന്ന് പാതിരപ്പളളി ജവഹര്‍ ഇംഗിഷ് മീഡിയം സ്കൂള്‍ പ്രിന്‍സിപ്പല്‍ എസ് ശശികലയെ ഇന്നലെ പൊലീസ് അറസ്റ്റ് ചെയ്തിരുന്നു. പ്രിന്‍സിപ്പലിന്റെ നിര്‍ദേശപ്രകാരം അധ്യാപിക ദീപികയാണ് ഇങ്ങനെ ശിക്ഷിച്ചതെന്നു കുട്ടി നല്‍കിയ മൊഴിയുടെ അടിസ്ഥാനത്തില്‍ ഇവര്‍ക്കെതിരേയും കേസെടുത്തിട്ടുണ്ട്.
