സ്കൂൾ പഠനസമയക്രമത്തിൽ മാറ്റത്തിന് ശുപാർശ ചെയ്യുന്ന ഖാദർ കമ്മിറ്റിയുടെ രണ്ടാം റിപ്പോർട്ട് നേരത്തെ സർക്കാരിന് സമർപ്പിച്ചിരുന്നു. സ്കൂളുകളുടെ പ്രവർത്തന സമയം രാവിലെ 8 മുതൽ 1 മണി വരെ ആക്കണമെന്നാണ് ഖാദർ കമ്മിറ്റിയുടെ ശുപാർശ. പഠനത്തിന് ഏറ്റവും അനുകൂലമായത് രാവിലത്തെ സമയമാണെന്നും അതിന് ശേഷമുള്ള സമയം കായികപഠനം അടക്കമുള്ള പാഠ്യേതര പ്രവർത്തനങ്ങൾക്ക് മാറ്റിവെയ്ക്കാമെന്നുമാണ് ശുപാർശയിലുള്ളത്.
