25 ഇടത്ത് ലീഗ് സ്ഥാനാർഥികളായി, 25 വർഷത്തിന് ശേഷം ആദ്യമായി വനിതാ സ്ഥാനാർഥി
വെള്ളി, 12 മാര്‍ച്ച് 2021 (17:26 IST)
നിയമസഭാ തിരെഞ്ഞെടുപ്പിൽ 25 മണ്ഡലങ്ങളിലേക്കുള്ള മുസ്ലീം ലീഗ് സ്ഥാനാർത്ഥികളെ പ്രഖ്യാപിച്ചു. അഴിമതിക്കേസില്‍ പ്രതിയായ വി.കെ ഇബ്രാഹിംകുഞ്ഞിനേയും നിക്ഷേപത്തട്ടിപ്പ് കേസില്‍ പ്രതിയായ എം.സി കമറുദീനേയും ഒഴിവാക്കിയപ്പോള്‍ 1996 ന് ശേഷം ആദ്യമായി ഒരു വനിതാ സ്ഥാനാർഥി ലീഗ് പട്ടികയിൽ ഇടം നേടി.
1996 ല്‍ പഴയ കോഴിക്കോട് രണ്ടാം മണ്ഡലത്തില്‍ വനിതാ ലീഗ് മുന്‍ അധ്യക്ഷ ഖമറുന്നീസ അന്‍വര്‍ മത്സരിച്ച ശേഷം ഇതാദ്യമായാണ് മറ്റൊരു വനിത ലീഗ് സ്ഥാനാർഥിത്വത്തിൽ മത്സരിക്കുന്നത്. കോഴിക്കോട് സൗത്തില്‍ നിന്ന് മുന്‍ മന്ത്രി എം.കെ. മുനീര്‍ മാറി ഇത്തവണ കൊടുവള്ളിയില്‍ മത്സരിക്കും. താനൂരിൽ പികെ ഫിറോസും മങ്കടയിൽ മഞ്ഞളാംകുഴി അലിയും മത്സരിക്കും.
