മകൻ കൊലപാതകം ചെയ്തുവെന്ന് കരുതുന്നില്ലെന്ന് മാതാവ് ഖദീജ പറഞ്ഞു. അമീറുലിന് മൊബൈൽഫോൺ ഉള്ള കാര്യം അറിയത്തില്ലെന്നും ഒരിക്കൽ പോലും വീട്ടിലേക്ക് വിളിച്ചിട്ടില്ലെന്നും ഖദീജ പറഞ്ഞു. കുടുംബവുമായി ബന്ധം പുലർത്താറില്ലായിരുന്നു. തിരഞ്ഞെടുപ്പിനു മുൻപായി വന്നപ്പോൾ പണം ആവശ്യപ്പെട്ട് വാക്കുതർക്കത്തിലേർപ്പെട്ടു. ഒരാഴ്ച കഴിഞ്ഞ് കേരളത്തിലേക്കു തന്നെ മടങ്ങി.
രണ്ടാം ക്ലാസ് വരെയേ അമീറുൽ പഠിച്ചിട്ടുള്ളു. പിന്നീട് പിതാവിനോടൊപ്പം കൃഷിപ്പണിക്ക് പോയിതുടങ്ങി. കൂടുതൽ കൂലികിട്ടുമെന്നതിനാൽ പിന്നീട് കേരളത്തിലേക്ക് പോവുകയായിരുന്നുവെന്നും കുടുംബംഗങ്ങൾ പറയുന്നു. തങ്ങൾ ഇവിടെ ജനിച്ചുവളർന്നവരാണെന്ന് ഖദീജ പറഞ്ഞു. തെളിവിനായി ഭർത്താവിന്റെ തിരഞ്ഞെടുപ്പു തിരിച്ചറിയൽ കാർഡ് അവർ ഹാജരാക്കി.
