ഐഎസ്ആര്‍ഓ ചാരക്കേസ് ഗൂഢാലോചന ഇനി സിബിഐ അന്വേഷിക്കും. സുപ്രീം കോടതിയാണ് സിബിഐ അന്വേഷണത്തിനു ഉത്തരവിട്ടത്. ജസ്റ്റിസ് ജയിന്‍ സമിതി റിപ്പോര്‍ട്ടിലെ ശുപാര്‍ശ അംഗീകരിച്ചാണ് സുപ്രീം കോടതിയുടെ തീരുമാനം. ജസ്റ്റിസ് എ.എന്‍.ഖാന്‍വില്‍ക്കര്‍ അധ്യക്ഷനായ ബഞ്ചിന്റേതാണ് ഉത്തരവ്. ചാരക്കേസിലെ ഗൂഢാലോചനയും നമ്പി നാരായണനെ കുടുക്കാന്‍ ശ്രമം നടന്നിട്ടുണ്ടോ എന്നും സിബിഐ അന്വേഷിക്കും. മൂന്ന് മാസത്തിനകം റിപ്പോര്‍ട്ട് സമര്‍പ്പിക്കണമെന്നാണ് സുപ്രീം കോടതി സിബിഐയോട് നിര്‍ദേശിച്ചിരിക്കുന്നത്.
