കേരള അന്താരാഷ്ട്ര ചലച്ചിത്രമേള ചെലവ് ചുരുക്കി നടത്താന്‍ തീരുമാനം. മുഖ്യമന്ത്രിയും ചലച്ചിത്ര അക്കാദമി പ്രതിനിധികളും തമ്മില്‍ നടത്തിയ കൂടിക്കാഴ്‌ചയിലാണ് അന്തിമതീരുമാനമായത്. പ്രളയത്തിന്റെ പശ്ചാത്തലത്തിൽ നേരത്തെ ചലച്ചിത്രമേള വേണ്ടെന്നുവയ്‌ക്കാനുള്ള തീരുമാനം ഉണ്ടായിരുന്നു. ചലച്ചിത്രമേള നടത്തണമെന്ന ആവശ്യം ശക്തമായതോടെയാണ് തീരുമാനവുമായി സർക്കാർ രംഗത്തെത്തിയിരിക്കുന്നത്.
അതേസമയം, ചലച്ചിത്രമേളയുടെ ഫീസ് വർദ്ധിപ്പിച്ച് ആവശ്യമായ തുക കണ്ടെത്താനും തീരുമാനിച്ചിട്ടുണ്ട്. ഒപ്പം, ഇന്ത്യന്‍ സിനിമകളുടെയും ലോക സിനിമകളുടെയും എണ്ണം കുറയ്ക്കാനും തീരുമാനിച്ചിട്ടുണ്ട്.
