നടി അക്രമിക്കപ്പെട്ട കേസ്: കോടതി രേഖകളിൽ ഇരയുടെ പേര് ‘ഏക്സ്‘ എന്നാക്കി

കൊച്ചി: കൊച്ചിയിൽ നടി അക്രമിക്കപ്പെട്ട കേസിൽ ഇരയുടെ പേരിനു പകരം എക്സ് എന്ന് രേഖപ്പെടുത്തിയ നടപടിക്ക് ഹൈക്കോടതി അംഗീകാരം നൽകി. കേസിൽ വനിതാ ജഡ്ജി വേണം എന്ന ആവശ്യപ്പെട്ട് നൽകിയ ഹർജിയിൽ പേരിനു പകരം എക്സ് എന്നാണ് രേഖപ്പെടുത്തിയിട്ടുള്ളത്. 

ഹർജ്ജിയോടൊപ്പം മുദ്രവച്ച കവറിൽ നൽകിയ ഇരയുടെ പേരും മേൽ‌വിലാസവും അടക്കമുള്ള വിവരങ്ങൾ സുരക്ഷിതമായി സൂക്ഷിക്കനമെന്ന് ഹൈക്കോടതി നിർദേസം നൽകിയിട്ടുണ്ട് ഇരയുടെ സ്വകാര്യത ഉറപ്പുവരുത്തുന്നതിന്റെ ഭാഗമാ‍യാണ് കോടതിയുടെ നടപടി. 

കോടതി രേഖകളിലോ ദൃശ്യ രേഖകളിലോ ആളെ തിരിച്ചറിയാവുന്ന തരത്തിള്ള വിവരങ്ങൾ ഇല്ലെന്ന് ഉറപ്പ് വരുത്തണമെന്ന് ഹൈക്കോടതി നേരത്തെ സർക്കുലർ പുറത്തിരക്കിയിരുന്നു. ഹർജിയിൽ പോലും പേരു വെക്കാതെ നൽകുന്നതാണ് ഫലപ്രദം എന്ന് കോടതി വിലയിരുത്തി.