കൊച്ചി: കൊച്ചി അന്താരാഷ്ട്ര വിമാനത്താവളത്തിൽ വന്നിറങ്ങിയ മൂന്നു യാത്രക്കാരിൽ നിന്നായി ഒരു കോടി രൂപയുടെ കള്ളക്കടത്തു സ്വർണ്ണം പിടികൂടി. പാലക്കാട് ചെർപ്പുളശേരി സ്വദേശി ഷറഫുദ്ദീൻ, പൊന്നാനി നരിപ്പറമ്പ് സ്വദേശി കുഞ്ഞിപ്പ, ഷിഹാബുദ്ദീൻ എന്നിവരാണ് സ്വർണ്ണവുമായി പിടിയിലായത്.
കുവൈറ്റിൽ നിന്ന് ജസീറ എയർലൈൻസ് വിമാനത്തിൽ എത്തിയ ഷറഫുദ്ദീൻ, ദുബൈയിൽ നിന്ന് ഫ്‌ളൈ ദുബായ് വിമാനത്തിൽ എത്തിയ കുഞ്ഞിപ്പ, ഷാർജയിൽ നിന്ന് എയർ അറേബ്യാ വിമാനത്തിൽ എത്തിയ ഷിഹാബുദ്ദീൻ എന്നിവരിൽ നിന്നായി അനധികൃതമായി കൊണ്ടുവന്ന രണ്ടു കിലോയോളം സ്വർണ്ണമാണ് പിടികൂടിയത്.
ഇതിൽ ഷറഫുദ്ദീൻ, കുഞ്ഞിപ്പ എന്നിവർ സ്വർണ്ണ മിശ്രിതം ക്യാപ്‌സൂൾ രൂപത്തിൽ മലദ്വാരത്തിൽ ഒളിപ്പിച്ചാണ് കൊണ്ടുവന്നത്. അതെ സമയം ഷിഹാബുദ്ദീൻ ആഭരണങ്ങളുടെ രൂപത്തിലാണ് സ്വർണ്ണം കടത്താൻ ശ്രമിച്ചത്