സംസ്ഥാനത്ത് സ്വര്‍ണവില റെക്കോര്‍ഡ് കുതിപ്പില്‍. ഒറ്റദിവസം കൊണ്ട് ഒരു പവന് സ്വര്‍ണത്തിനു 800 രൂപ വര്‍ധിച്ചു. ഒരു പവന് സ്വര്‍ണത്തിനു ഇന്നത്തെ വില 49,440 രൂപയാണ്. ഗ്രാമിന് 100 രൂപ വര്‍ധിച്ച് 6180 രൂപയായി.
ഈ മാസത്തിന്റെ തുടക്കത്തില്‍ 46,320 രൂപയായിരുന്നു സ്വര്‍ണവില. മൂന്നാഴ്ചയ്ക്കിടെ 3000 രൂപയില്‍ അധികമാണ് വര്‍ധിച്ചത്. മാര്‍ച്ച് ഒന്‍പതിനു രേഖപ്പെടുത്തിയ 48,600 രൂപയായിരുന്നു ആദ്യ സര്‍വകാല റെക്കോര്‍ഡ്. മുന്‍ റെക്കോര്‍ഡുകളെല്ലാം തിരുത്തിയാണ് സ്വര്‍ണവില ഇന്ന് 49,440 രൂപയായത്. ഈ ആഴ്ച തന്നെ സ്വര്‍ണവില പവന് 50,000 രൂപയിലേക്ക് എത്തിയേക്കും.
