അതിദരിദ്ര വിഭാഗത്തില്‍പ്പെട്ട കുടുംബങ്ങളിലെ വിദ്യാര്‍ഥികള്‍ക്ക് സൗജന്യ ബസ് യാത്ര അനുവദിച്ച് ഗതാഗതവകുപ്പ് ഉത്തരവിറക്കി. കെഎസ്ആര്‍ടിസിയിലും സ്വകാര്യ ബസിലും ഈ ആനുകൂല്യം ലഭിക്കും. അതിദാരിദ്ര നിര്‍മാര്‍ജന പദ്ധതിയുടെ ഭാഗമായാണ് സംസ്ഥാന സര്‍ക്കാര്‍ ഇങ്ങനെയൊരു തീരുമാനമെടുത്തത്.
സംസ്ഥാനത്തെ അതിദരിദ്ര വിഭാഗത്തില്‍പ്പെട്ട കുടുംബങ്ങളിലെ എല്ലാ വിദ്യാര്‍ഥികള്‍ക്കും വിദ്യാഭ്യാസ ആവശ്യങ്ങള്‍ക്കായി കെ.എസ്.ആര്‍.ടി.സി/ പ്രൈവറ്റ് ബസുകളില്‍ സമ്പൂര്‍ണ സൗജന്യ യാത്ര അനുവദിച്ചതായി ഗതാഗതവകുപ്പിന്റെ ഉത്തരവില്‍ പറയുന്നു. പ്രസ്തുത ആനുകൂല്യം നവംബര്‍ ഒന്ന് മുതല്‍ പ്രാബല്യത്തില്‍ വരും.