ഇതിനൊപ്പം ജോലി വാഗ്ദാനം ചെയ്തും പലരിൽ നിന്ന് പണം തട്ടിയെടുത്തിട്ടുണ്ട്. ചിലരെയൊക്കെ മൂന്നു മുതൽ ആറു മാസം വരെ ജോലി നൽകിയ ശേഷം പിരിച്ചുവിടുകയും ചെയ്തു. തട്ടിപ്പ് പുറത്തുവന്നതോടെ സഹകരണ സംഘം ഭരണം അഡ്മിനിസ്ട്രേറ്ററുടെ കീഴിലായി. എന്നാൽ ഈ കമ്മിറ്റിയുടെ കൺവീനറായും മുരളി തന്നെ സ്ഥാനം വഹിച്ചിരുന്നു. മുരളിയും സെക്രട്ടറിയും ചേർന്ന് ജില്ലാ സഹകരണ ബാങ്കിൽ നിന്ന് അഞ്ചു മാസം കൊണ്ട് ഒന്നരക്കോടി രൂപ പിൻവലിക്കുകയും ചെയ്തു. ഇത് എല്ലാവരും ചേർന്ന് വീതിച്ചെടുത്തു എന്നാണ് സൂചന.
