തിരുവനന്തപുരം: വിട്ടിലെ പരിശോധനയ്ക്കിടെ കണ്ടെത്തിയത് രേഖകൾ എന്ന് ഇഡി അവകാശപ്പെടുന്ന രേഖകൾ ഇഡി കൊണ്ടുവന്ന് വച്ചതാണെന്ന് നിലപാടെടുത്ത് ബിനീഷിന്റെ ഭാര്യ റിനീറ്റ. രേഖകൾ വീട്ടിനിന്നും കണ്ടെടുത്തവയാണ് എന്ന് വ്യക്തമാക്കുന്ന സാക്ഷ്യപത്രത്തിൽ ഒപ്പിടാൻ ബീനീഷിന്റെ ഭാര്യ തയ്യാറാവാതെ വന്നതോടെ നാടകീയ സംഭവങ്ങളാണ് ഉണ്ടായത്.
ബുധനാഴ്ച രാവിലെ ഒൻപതരയോടെയാണ് ഇഡി സംഘം ബിനീഷിന്റെ വീട്ടിലെത്തിയത്.. തുടർന്ന് പത്ത് മണിക്കൂറോളം റെയിഡ് നീണ്ടു. ഇവിടെനിന്നും ചില രേഖകളും അനൂപിന്റെ ക്രെഡിറ്റ് കാർഡും കണ്ടെടുത്തതായാണ് വിവരം. എന്നാൽ ഇവ ഇഡി തന്നെ കൊണ്ടുവന്ന വച്ചതാണ് എന്നാണ് വിട്ടുകാരുടെ ആരോപണം. അതിനാൽ വിട്ടിൽനിന്നു ഇറങ്ങാൻ ഇഡിയും തയ്യാറായിട്ടില്ല.
