എറണാകുളം: ഡ്രൈവിംഗ് ലൈസൻസ് കാലാവധി കഴിഞ്ഞത് ഒരു വർഷത്തിന് ശേഷം പുതുക്കുന്നതിന് ഡ്രൈവിംഗ് ടെസ്റ്റ് നടത്താതെ തന്നെ പുതുക്കി നൽകിയതുമായി ബന്ധപ്പെട്ട ക്രമക്കേട് കണ്ടെത്തിയതിനെ തുടർന്ന് മോട്ടോർ വാഹന വകുപ്പിലെ മൂന്നു ഉദ്യോഗസ്ഥർക്ക് സസ്‌പെൻഷൻ ലഭിച്ചു. കാലാവധി പൂർത്തിയായി ഒരു വര്ഷം കഴിഞ്ഞവർക്കാണ് ഡ്രൈവിംഗ് ടെസ്റ്റ് നടത്താതെ ഉദ്യോഗസ്ഥർ ലൈസൻസ് പുതുക്കി നൽകിയത് എന്ന റീജ്യണൽ ട്രാൻസ്‌പോർട്ട് കമ്മീഷണറുടെ പ്രത്യേക സ്‌ക്വാഡിന്റെ കണ്ടെത്തലൈൻ തുടർന്നാണ് സസ്‌പെൻഷൻ ലഭിച്ചത്.
ഗുരുവായൂരിനോപ്പം കൊടുവള്ളി, തിരൂരങ്ങാടി എന്നീ സബ് റീജ്യണൽ ട്രാൻസ്‌പോർട്ട് ഓഫീസുകളിലുമാണ് തട്ടിപ് നടന്നത്. ക്രമക്കേട് കണ്ടെത്തിയതിനെ തുടർന്ന് മോട്ടോർ വാഹന ഇൻസ്‌പെക്ടർമാരായ പത്മലാൽ, ടി.അനൂപ് മോഹൻ, എം.എ.ലാലു എന്നിവരെയാണ് സസ്‌പെൻഡ് ചെയ്തത്.
