സൈബര്‍ കുറ്റകൃത്യങ്ങളും നേരിടാന്‍ കേരളാ പൊലീസിന്റെ 'സൈബര്‍ഡോം'
വെള്ളി, 4 സെപ്‌റ്റംബര്‍ 2015 (19:42 IST)
സംസ്ഥാനത്തെ സൈബര്‍ കുറ്റകൃത്യങ്ങളും ട്രാഫിക്ക് നിയമലംഘനങ്ങളും നേരിടാന്‍ 'സൈബര്‍ഡോം' നിലവില്‍ വരുന്നു.ഒരുമാസത്തിനകം സൈബര്‍ഡോമിന്റെ പ്രവര്‍ത്തനം തുടങ്ങുമെന്ന് ഐ.ജി മനോജ് എബ്രഹാം പറഞ്ഞു.
സേവന മനസ്ഥിതിയുള്ളസാങ്കേതിക വിദഗ്ധര്‍, എത്തിക്കല്‍ ഹാക്കേഴ്‌സ്, സൈബര്‍ പ്രൊഫഷണല്‍ എന്നിവരായിരിക്കും ഈ ഓഫീസിലുണ്ടാകുക. സൈബര്‍ പ്രൊജക്ടിന് ഇവര്‍ നല്‍കുന്ന സേവനങ്ങള്‍ക്ക് അനുസരിച്ച് ഐഡി കാര്‍ഡ്, റാങ്കുകള്‍ എന്നിവ നല്‍കും.
സ്വകാര്യപങ്കാളിത്തത്തോടെ സ്ഥാപിക്കുന്ന സൈബര്‍ഡോം ഈതരത്തിലുള്ള ആദ്യത്തെ പദ്ധതികൂടിയാണ്.സൈബര്‍ഡോമിന്റെ പ്രവര്‍ത്തനത്തിനാവശ്യമായ കമ്പ്യൂട്ടറുകളും ഉപകരണങ്ങളും കേരളാപോലീസ് നല്‍കും. ഇതിനാവശ്യമായ സോഫ്റ്റ് വെയറുകളും മറ്റും വിവധ സ്വകാര്യകമ്പനികളുടെ പങ്കാളിത്തത്തോടെയാണ് കണ്ടെത്തിയിരിക്കുന്നത്.
