കമ്യൂണിസ്റ്റ് പ്രസ്ഥാനം ജനങ്ങളില്‍ നിന്നകലുന്നതായി സിപിഐ സംസ്ഥാന സെക്രട്ടറി പന്ന്യന്‍ രവീന്ദ്രന്‍. എന്‍ഇ ബാലറാം, പിപി മുകുന്ദന്‍ അനുസ്മരണസമ്മേളനം ഉദ്ഘാടനം ചെയ്ത് സംസാരിക്കുന്നതിനിടെയാണ് അദ്ദേഹം ഇക്കാര്യം സൂചിപ്പിച്ചത്.
കേരളത്തിന്റെ പ്രശ്‌നങ്ങള്‍ക്കു പരിഹാരം കാണുന്നതിന് ഇടതുപക്ഷപ്രസ്ഥാനം ശക്തമായുണ്ടാകണം. പഠിപ്പുമുടക്ക് ഒരു ഘട്ടത്തില്‍ അത്യാവശ്യമാണ്. പഠിക്കുക, പോരാടുക എന്നതാണ് കമ്യൂണിസ്റ്റ് പ്രസ്ഥാനം പറയുന്നത്. പഠിപ്പുമുടക്കില്‍ കുറ്റക്കാര്‍ വിദ്യാര്‍ഥികളല്ല, ഭരണകര്‍ത്താക്കളാണ്. അനാവശ്യമായ തര്‍ക്കങ്ങളൊഴിവാക്കി ഇടതുപക്ഷം ഏകീകരിക്കപ്പെടണമെന്നും പന്ന്യന്‍ രവീന്ദ്രന്‍ അഭിപ്രായപ്പെട്ടു.
