കോവിഡ് വാക്‌സിന്‍ സ്വീകരിക്കുമ്പോള്‍ വളരെ ശ്രദ്ധിക്കേണ്ട ചില കാര്യങ്ങളുണ്ട്. രണ്ട് ഡോസ് വാക്‌സിനാണ് പൊതുവെ സ്വീകരിക്കേണ്ടത്. ഇതിനു കൃത്യമായ ഇടവേള ആവശ്യമാണ്. മാത്രമല്ല, രണ്ട് ഡോസും ഒരേ വാക്‌സിന്‍ തന്നെ സ്വീകരിക്കണം.
വിദേശത്തുനിന്ന് രണ്ട് ഡോസ് വാക്‌സിനും എടുത്ത ശേഷം നാട്ടിലേക്ക് എത്തിയവരാണെങ്കിലും ഏഴ് ദിവസത്തെ ക്വാറന്റൈന്‍ നിര്‍ബന്ധമാണ്. വിദേശത്തുനിന്ന് ആദ്യ ഡോസ് വാക്‌സിന്‍ എടുത്ത് കേരളത്തിലെത്തിയവര്‍ക്ക് ഇവിടെവച്ച് രണ്ടാം ഡോസ് എടുക്കാന്‍ പ്രായോഗികമായ ബുദ്ധിമുട്ട് ഉണ്ട്. ആദ്യ ഡോസിന്റെ ഡാറ്റാബേസ് ലഭ്യമാകാത്തതിനാല്‍ ആണ് രണ്ടാം ഡോസ് നല്‍കാന്‍ സാധിക്കാത്തത്.
