സൗദിയില്‍ നിന്ന് കേരളത്തിലെത്തിയ കണ്ണൂര്‍ സ്വദേശി ഗിരികുമാറാണ് ഹൈക്കോടതിയെ സമീപിച്ചത്. തനിക്ക് സൗദിയിലേക്ക് തിരിച്ചുപോകണമെങ്കില്‍ കോവിഷീല്‍ഡ് വാക്‌സിന്‍ ലഭിക്കണമെന്ന് ഗിരികുമാര്‍ ആവശ്യപ്പെട്ടു. ഇയാള്‍ നേരത്തെ രണ്ട് ഡോസ് കോവാക്സിന് സ്വീകരിച്ചിട്ടുണ്ട്. എന്നാല്‍, കോവാക്സിന് സൗദിയില്‍ അനുമതിയില്ല. അതുകൊണ്ടാണ് മൂന്നാം ഡോസായി കോവിഷീല്‍ഡ് അനുവദിക്കണമെന്ന് ആവശ്യപ്പെട്ട് ഗിരികുമാര്‍ ഹൈക്കോടതിയെ സമീപിച്ചത്. കോടതി കേന്ദ്ര സര്‍ക്കാരിന്റെ നിലപാട് തേടിയിരുന്നു.
