രണ്ടാംഘട്ട വേട്ടെടുപ്പിന് സംസ്ഥാനം ഒരുങ്ങവെ വിവിധയിടങ്ങള്‍ സംഘര്‍ഷം. കഴക്കൂട്ടം അരശുംമൂട്ടില്‍ മൂന്ന് സിഐടിയു പ്രവര്‍ത്തകര്‍ക്ക് വെട്ടേറ്റു. കണ്ണൂരില്‍ എസ്ഡിപിഐ - മുസ്ലിംലീഗ് പ്രവർത്തകർ തമ്മില്‍ ഇന്നു രാവിലെ ഏറ്റുമുട്ടി. ഒമ്പതു പേര്‍ പരുക്കുകളോടെ ആശുപത്രിയിലാണ്.
രാവിലെ കാറിലെത്തിയ ഒരു സംഘം സിഐടിയു പ്രവര്‍ത്തകരായ ജയപ്രകാശുമായി വാക്കുതര്‍ക്കത്തിലേര്‍പ്പെട്ട ശേഷം വെട്ടുകയായിരുന്നു. സംഘത്തിലെ ഒരാളാണ് ജയപ്രകാശിനെ വെട്ടിയത്. ഇത് തടയാനുള്ള ശ്രമത്തിനിടെ ദിനേഷ്‌ലാല്‍, സജി എന്നിവര്‍ക്കും വെട്ടേറ്റു. ജയപ്രകാശിനെ ഗുരുതരമായ നിലയില്‍ മെഡിക്കല്‍ കോളേജ് ആസ്പത്രിയില്‍ പ്രവേശിപ്പിച്ചിരിക്കുകയാണ്.
വോട്ടെടുപ്പിന് ശേഷം കഴിഞ്ഞദിവസം നടന്ന അക്രമങ്ങളുടെ തുടർച്ചയെന്നോണം സിറ്റി മേഖലയിൽ ഇന്നു രാവിലെയും എസ്ഡിപിഐ - മുസ്ലിംലീഗ് പ്രവർത്തകർ തമ്മില്‍ ഏറ്റുമുട്ടി. മുസ്ലീംലീഗ് പ്രവർത്തകനായ കുടിക്കന്റവിട ഷർഫുദ്ദീനെ എസ്ഡിപിഐ പ്രവര്‍ത്തകര്‍ മര്‍ദ്ദിച്ചതാണ് സംഘര്‍ഷത്തിന് കാരണമായത്. ഒമ്പതു പേര്‍ പരുക്കുകളോടെ ആശുപത്രിയിലാണ്.
