കോണ്‍ഗ്രസുകാര്‍ അഴിമതിക്കാരും കമ്മ്യൂണിസ്റ്റുകാര്‍ ആക്രമികളും ആണെന്ന് പ്രധാനമന്ത്രി നരേന്ദ്ര മോദി പ്രസ്താവിച്ചു. സ്വച്ഛ് കേരളം , സംശുദ്ധ കേരളം,അഴിമതി രഹിതകേരളം,സുരക്ഷിത കേരളം സമ്പൂര്‍ണ്ണ മാറ്റത്തിനായി നിങ്ങളുടെ പിന്തുണ എന്‍ ഡി എക്ക് വേണമെന്ന് മോദിയുടെ മലയാളത്തിലുള്ള അപേക്ഷ പ്രവര്‍ത്തകരെ ആവേശത്തിലാഴ്ത്തി. ആലപ്പുഴയിലെ എടത്വയില്‍ നടത്തിയ തെരഞ്ഞെടുപ്പ് പ്രചരണ യോഗത്തില്‍ സംസാരിക്കുകയായിരുന്നു അദ്ദേഹം.
കോണ്‍ഗ്രസ് ഡല്‍ഹിയിലും കേരളത്തിലും ഒരേ ഭരണം തന്നെയാണ്. ഡല്‍ഹിയില്‍ കല്‍ക്കരിയും ടുജിയും ആണെങ്കില്‍ കേരളത്തില്‍ അത് സോളാര്‍ എന്ന വ്യത്യാസമേ ഉള്ളു എന്നും അദ്ദേഹം ആരോപിച്ചു. കേരളത്തില്‍ നിന്നും ബി ജെ പിയെ പ്രതിനിധീകരിച്ച് ഒരു അംഗം പോലും പാര്‍ലമെന്റില്‍ ഇല്ലെങ്കിലും കേരളത്തെ അവഗണിച്ചിട്ടില്ല. അവഗണിക്കുകയുമില്ല. അദ്ദേഹം വ്യക്തമാക്കി.
