മലപ്പുറം കളക്ട്രേറ്റ് പരിസരത്ത് നടന്ന സ്‌ഫോടനക്കേസിൽ പൊലീസ് രണ്ടുപേരെ കൂടി അറസ്റ്റ് ചെയ്തു. സ്‌ഫോടനവുമായി ബന്ധമുണ്ടെന്ന് പൊലീസ് പറയുന്ന ബേസ് മൂവ്‌മെന്റ് എന്ന സംഘടനയുടെ നേതാക്കളായ എന്‍. അബുബക്കര്‍, എ. അബ്ദുള്‍ റഹ്മാന്‍ എന്നിവരാണ് ഇപ്പോൾ പിടിയിലായിരിക്കുന്നത്.
തമിഴ്‌നാട്ടിലെ മധുരയില്‍ നിന്നാണ് കേരള പൊലീസ് ഇവരെ അറസ്റ്റ് ചെയ്തത്. കൊല്ലം, ചിറ്റൂര്‍ മൈസൂര്‍, നെല്ലൂര്‍ എന്നിവിടങ്ങളില്‍ നടന്ന സ്‌ഫോടനങ്ങളുമായി ഇവര്‍ക്ക് ബന്ധമുണ്ടെന്നാണ് പൊലീസ് പറയുന്നത്. പ്രതികളെ ചോദ്യം ചെയ്തു വരികയാണ്.
