നാം ചെയ്യുന്ന തെറ്റിന്റെ ഫലമായാണ് അർബുദം പോലുള്ള രോഗങ്ങൾ പിടിപെടുന്നത്. ചിലർ ചെറിയ പ്രായത്തിൽ തന്നെ അപകടത്തിൽപ്പെട്ട് മരിക്കുന്നു. ചിലർ കാൻസർ വന്നും. ഇതേകുറിച്ച് വിശദമായി പഠിച്ചാൽ കാരണം ദൈവകോപം തന്നെയാണെന്ന് വ്യക്തമാകും. ഈ ജന്മത്തിലോ മുൻ ജന്മത്തിലോ ചെയ്ത തെറ്റിന്റെ ഫലമാകാം. ഇതിൽ സങ്കടപ്പെട്ടിട്ട് കാര്യമില്ല, ഒരാളുടെ കർമഫലമാണിത്. - ബിശ്വശർമ പറഞ്ഞു.
അതേസമയം, മന്ത്രിയുടെ വിവാദ പ്രസ്താവനയ്ക്ക് മറുപടിയുമായി കോൺഗ്രസ് നേതാക്കളും അർബുദ രോഗബാധിതരും രംഗത്തെത്തിയിട്ടുണ്ട്. അർബുദ രോഗികൾ ഉൾപ്പെടെയുള്ളവരെ വേദനിപ്പിക്കുന്ന പരാമർശങ്ങളാണ് മന്ത്രി നടത്തിയതെന്ന് പ്രതിപക്ഷം പറയുന്നു.
