പല പേരുകളില്‍ എടുത്ത 130 എ.റ്റി.എം കാര്‍ഡുകളുമായി എലിയപ്പറ്റയിലെ വാടക വീട്ടില്‍ നിന്ന് കഴിഞ്ഞ ദിവസം രാവിലെയാണ് ഇയാള്‍ പിടിയിലായത്. വന്‍ ഹവാലാ ഇടപാടുകളിലെ പ്രധാന കണ്ണിയാണ് ഇയാളെന്ന് പൊലീസ് വെളിപ്പെടുത്തി. പാകിസ്ഥാന്‍ ലോട്ടറി ലഭിച്ചു എന്ന മൊബൈല്‍ സന്ദേശം നല്‍കി ഹൈദരാബാദില്‍ തട്ടിപ്പ് നടത്തിയ കേസുമായി ബന്ധപ്പെട്ട അന്വേഷണമാണ് ഇയാള്‍ വലയിലാകാന്‍ കാരണമായത്.
വിവിധ അക്കൌണ്ടുകളില്‍ നിന്നായി ഇയാള്‍ പ്രതിദിനം ആറു ലക്ഷം രൂപ വരെ പിന്‍വലിച്ചിട്ടുള്ളതായി പൊലീസ് കണ്ടെത്തിയിട്ടുണ്ട്. മലപ്പുറം, കൊടുവള്ളി, മഞ്ചേരി എന്നീ പ്രദേശങ്ങളിലെ ചില വ്യക്തികള്‍ക്കാണ് ഇയാള്‍ പണം കൈമാറിയിരുന്നത് എന്ന് കണ്ടെത്തിയിട്ടുണ്ട്.
