അമീറുലിന് പ്രായം 23 ആണെന്നായിരുന്നു പുറത്ത് വന്നിരുന്നത്. എന്നാൽ പ്രതിയ്ക്ക് പത്തൊൻപത് വയസ്സ് ആയിട്ടെ ഉള്ളുവെന്ന് അമീറുലിന്റെ പിതാവ് മൊഴി നൽകി. എട്ട് വര്‍ഷം മുമ്പ് അമീര്‍ നാട് വിട്ടുവെന്നും വീട്ടുകാര്‍ പറയുന്നു. ഇതും വലിയ സംശയങ്ങളാണ് ഉയര്‍ത്തുന്നത്. ഇക്കാര്യങ്ങളിൽ പൊലീസിന് കൂടുതൽ വ്യക്തത വരുത്തേണ്ടതുണ്ട്.
അതേസമയം, പ്രതിയുടെ തിരിച്ചരിയൽ പരേഡ് ഇന്ന് കാക്കനാട് ജില്ലാ ജയിലിൽ നടക്കും. മജിസ്ട്രേട്ട് ഷിബു ഡാനിയേൽ പരേഡിനു മേൽനോട്ടം വഹിക്കും. സാക്ഷികൾക്കു സമൻസ് നൽകിയ ശേഷം ഇന്ന് ഉച്ചയ്ക്കു ശേഷം പരേഡ് നടത്താനാണു സാധ്യത.
