മലപ്പുറം: മാളിൽവച്ച് നടിയെ അപമാനിയ്ക്കാൻ ശ്രമിച്ചിട്ടില്ലെന്ന് കേസിൽ കുറ്റാരോപിതരായ മലപ്പുറം സ്വദേശികളായ യുവാക്കൾ. മനപ്പൂർവമായി സ്പർഷിയ്ക്കുകയോ പിന്നാലെ നടന്ന് ശല്യപ്പെടുത്തുകയോ ചെയ്തിട്ടില്ല എന്നും ഇർഷാദും ആദിലും വ്യക്തമാക്കി. മാളിൽവച്ചാണ് നടിയെ കണ്ടത്. അവർ നടിയാണെന്ന് ഉറപ്പുണ്ടായിരുന്നില്ല. ഒരു കുടുംബമെത്തി കൂടെനിന്ന് ഫോട്ടോ എടുക്കുന്നത് കണ്ടതോടെയാണ് നടിയാണ് എന്ന് വ്യക്തമായത്.
