അതിജീവിത നാളെ മുഖ്യമന്ത്രിയെ കാണും, കൂടിക്കാഴ്ച സെക്രട്ടറിയേറ്റിൽ

നടിയെ പീഡിപ്പിച്ച് ദൃശ്യങ്ങൾ പകർത്തിയെന്ന കേസിൽ അതിജീവിത മുഖ്യമന്ത്രി പിണറായി വിജയനുമായി കൂടിക്കാഴ്ച  നടത്തും. വ്യാഴാഴ്ച രാവിലെ 10ന് സെക്രട്ടേറിയറ്റിൽ വച്ചാണ് കൂടിക്കാഴ്ച. കേസിന്റെ തുടരന്വേഷണം സർക്കാർ അട്ടിമറിച്ചെന്ന് ആരോപിച്ച് അതിജീവിത ഹൈക്കോടതിയിൽ ഹർജി നൽകിയിരുന്നു. ഈ സാഹചര്യത്തിലാണ് കൂടിക്കാഴ്ച.

ഇന്ന് ഹർജി പരിഗണിക്കവെ അതിജീവിത ഉന്നയിച്ച ആരോപണങ്ങൾ തെറ്റാണെന്നും ആരോപണം ഉന്നയിക്കാനുണ്ടായ സാഹചര്യത്തെ പറ്റി അറിയില്ലെന്നും സർക്കാർ കോടതിയിൽ വ്യക്തമാക്കിയിരുന്നു.കേസിലെ മുഖ്യപ്രതിയായ ദിലീപിനെ സംരക്ഷിക്കാൻ ഭരണമുന്നണി ശ്രമിക്കുന്നതായി സംശയിക്കുന്നുവെന്നായിരുന്നു ഹർജിയിലെ ആരോപണം.