കാറും ലോറിയും കൂട്ടിയിടിച്ചു ദമ്പതികള്‍ മരിച്ചു; മൂന്നു പേര്‍ക്ക് പരിക്ക്
കഴിഞ്ഞ ദിവസം പുലര്‍ച്ചെ മൂന്നരയോടെ തിരുനെല്‍വേലിയില്‍ കാറും ലോറിയും കൂട്ടിയിടിച്ച് കാറില്‍ സഞ്ചരിച്ചിരുന്ന വെഞ്ഞാറമൂട് സ്വദേശികളായ ദമ്പതികള്‍ മരിച്ചു. ഇവര്‍ക്കൊപ്പമുണ്ടായിരുന്ന കുട്ടികള്‍ ഉള്‍പ്പെടെ മൂന്നു പേര്‍ക്ക് പരിക്കേറ്റു.
വെഞ്ഞാറമൂട് പാലത്തറ ചിത്രാഞ്ജലിയില്‍ സന്തോഷ് കുമാര്‍ (എം ആര്‍ എഫ് തിരിച്ചിറപ്പള്ളി), ഭാര്യ മീനാകുമാരി (ചെന്നൈ സര്‍വകലാശാല) എന്നിവരാണു മരിച്ചത്. കാര്‍ ഡ്രൈവര്‍ക്കും ഇവരുടെ കുട്ടികള്‍ക്കുമാണു പരിക്കേറ്റത്.
കായതാര്‍ ടോള്‍ ജംഗ്ഷനു സമീപത്തു വച്ചായിരുന്നു അപകടം ഉണ്ടായത്. സന്തോഷ് കുമാറും മീനാകുമാരിയും സംഭവ സ്ഥലത്തു വച്ചു തന്നെ മരിച്ചു. പരിക്കേറ്റവരെ തിരുനെല്‍വേലി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു
