ശബരിമല യുവതീ പ്രവേശത്തിന്‍റെ പേരില്‍ താന്‍ വലിയ പീഡനം ഏറ്റുവാങ്ങേണ്ടിവന്നതായി തിരുവിതാം‌കൂര്‍ ദേവസ്വം ബോര്‍ഡ് മുന്‍ പ്രസിഡന്‍റും സി പി എം നേതാവുമായ എ പത്‌മകുമാര്‍. എല്ലാവരും തന്നെ ഒറ്റപ്പെടുത്താന്‍ ശ്രമിക്കുകയായിരുന്നുവെന്നും തന്‍റെ വാക്കുകള്‍ കേട്ടിരുന്നെങ്കില്‍ ശബരിമലയില്‍ തീര്‍ത്ഥാടകരുടെ എണ്ണം കുറയില്ലായിരുന്നുവെന്നും പത്‌മകുമാര്‍ തുറന്നടിച്ചു.
യാഥാര്‍ത്ഥ്യം ഉള്‍ക്കൊണ്ടാണ് അക്കാലത്ത് ഭക്‍തര്‍ക്ക് അനുകൂലമായ നിലപാടെടുത്തത്. പ്രതിഷ്ഠാസങ്കല്‍പ്പമനുസരിച്ച് മറ്റ് ക്ഷേത്രങ്ങളില്‍ നിന്ന് വ്യത്യസ്തമാണ് ശബരിമല. അവിടത്തെ ആചാരാനുഷ്ഠാനങ്ങളും ആ രീതിയിലാണ്. അങ്ങനെയൊരു നിലപാട് സ്വീകരിച്ചതിന്‍റെ പേരില്‍ തന്നെ എല്ലാവരും ചേര്‍ന്ന് ഒറ്റപ്പെടുത്തി - എ പത്‌മകുമാര്‍ വിശദീകരിക്കുന്നു.
