‘കക്കൂസിനെ കുറിച്ച് പറയുന്നതില്‍ എനിക്ക് അഭിമാനം മാത്രമേ ഉള്ളൂ ’: അല്‍ഫോണ്‍സ് കണ്ണന്താനം

ഇന്ധന വില വര്‍ധിപ്പിക്കുന്നത് പാവങ്ങള്‍ക്ക് കക്കൂസ് നിര്‍മ്മിക്കാനാണെന്ന കേന്ദ്രമന്ത്രി അല്‍ഫോണ്‍സ് കണ്ണന്താനത്തിന്റെ വാക്കുകള്‍ ഇപ്പോഴും ട്രോളുകളാക്കുന്നുണ്ട്. എന്ത് വന്നാലും കക്കൂസിനെ കുറിച്ച് പറയുന്നതില്‍ തനിക്ക് അഭിമാനമേ ഉള്ളൂ എന്നാണ് കണ്ണന്താനം പറയുന്നത്. 

എവിടെ ചെന്നാലും ഇക്കാര്യം പറയുന്നതിന് കാരണം പാവങ്ങള്‍ക്ക് ഏറ്റവും ആവശ്യമുള്ളത് കക്കൂസും വീടും ആയത് കൊണ്ടാണെന്നും അദ്ദേഹം വ്യക്തമാക്കി. തിരുവനന്തപുരത്ത് കേന്ദ്രസര്‍ക്കാരിന്റെ മുദ്രാ പദ്ധതിയുടെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു അദ്ദേഹം.

അതേസമയം ഇന്ത്യയില്‍ നല്ലൊരു ശതമാനം പേരും വിദ്യാഭ്യാസവും കക്കൂസും വൈദ്യുതിയും ഇല്ലാതെ ജീവിക്കുന്നവരാണെന്ന് മറ്റൊരു പരിപാടിയില്‍ സംസാരിക്കവേ അല്‍ഫോണ്‍സ് കണ്ണന്താനം പറയുകയുണ്ടായി. കേരളത്തിലെ ആളുകള്‍ക്ക് ഇതൊന്നും മനസ്സിലാവില്ലെന്നും അദ്ദേഹം വ്യക്തമാക്കിയിരുന്നു.