സ്കൂള്‍ പ്രവര്‍ത്തി സമയത്ത് ഓണാഘോഷം പാടില്ലെന്നും അധികം പണം ചെലവഴിച്ചുള്ള ആഘോഷങ്ങള്‍ പാടില്ലെന്നും ഓണാഘോഷത്തിന് യൂണിഫോം ധരിച്ചുമാത്രമേ കുട്ടികള്‍ സ്കൂളില്‍ എത്താവൂ എന്നും സര്‍ക്കുലറില്‍ വ്യക്തമാക്കിയിരുന്നു.
പരീക്ഷകളെയോ ക്ലാസുകളെയോ പാഠ്യ-പാഠ്യേതര പ്രവര്‍ത്തനങ്ങളെയോ ബാധിക്കാത്ത രീതിയില്‍ മാത്രമേ ആഘോഷം നടത്താവൂ എന്നും പ്രത്യേക വേഷവിധാനത്തോടെയുള്ള കലാപരിപാടികള്‍ അവതരിപ്പിക്കുകയാണെങ്കില്‍ മുന്‍കൂര്‍ അനുമതി വാങ്ങണമെന്നും ഹയര്‍ സെക്കന്‍ഡറി ഡയറക്‍ടറുടെ സര്‍ക്കുലറില്‍ പറഞ്ഞിരുന്നു.
സര്‍ക്കുലര്‍ വന്‍ വിവാദമായതോടെയാണ് ഇത് പിന്‍‌വലിക്കാന്‍ വിദ്യാഭ്യാസമന്ത്രി നിര്‍ദ്ദേശിച്ചതെന്നാണ് അറിയുന്നത്.